Carita Nyambung (BAG 1)

LEBAH SITU WANAYASA

Regot. . . regot kuring nginum cai botol da kuring halabhab pisan. Bari diuk ucang-ucangan persis handapeun tangkal kiara digigireun kawadanaan, kuring ngareureuhkeun kacape nu tos lumpat nguriling ti alun-alun wanayasa tuluy kaganasoli, antukna tepi ka hareupeun situ wanayasa ” Lumayan cape oge gening” kuring ngomong dijero hate. Kuring nyawang kalebah wetan katingali aya pasir leutik nu dikurilingan ku cai, aya puluhan tangkal pines  nu ngawangun eta pasir teh, ceuk kolot mah ditengah-tengah pasir eta aya babarahiji makam para gegeden jeng manteri anu boga jasa ngawangun eta situ wanayasa, da baheula mah eta teh lain situ,ngan empang gede jeung dikurilingan kusawah nu kacida legana memang nage cai disawah eta baheula mah cur cor pohara caina nu kiwari jadi hiji situ nu endah nu katelah kamana-mana tempat arulin barudak rumaja, rekreasi kulawarga purwakarta, malahna mah loba nu daratang tiluar kota ngahaja ngajugjung ka eta situ anu bersih tur endahna.

Basa neuteup kalandeuh, teges pisan kuring inget kana mangsa nukatukang. Mangsa basa hate ker gulidag caah, enya mangsa nu karandapan kuring jeung manehna. Ngomongkeun harepan kahareup rek kumaha?, rek dimana ?, jeung rek iraha? Rarasaan mah katingali keneh imutna nu saeutik, kulit leungeun nu semu hejo carulang makekeun kongkorong kana beuheung kuring . Kacida bagjana harita kuring teh, boga beubeureuh hate nu kacida perhatiana, nyaahna lain ka kuring wungkul, tapi ka adi-adi kuring oge teu  poho ari ngajak ulin jeung beberean teh.

Kuring nyawang deui lamunan, bari ngarabut jukut, tuluy digulanggaper, diheureuykeun bari teu puguh rarasaan, Kumaha kabarna? Keur naon ayeuna manehna? Sajeroeun eta kuring teu weleh ngemutan dirina, bari nyangsaya dibarengan muragna kalakai katebak angin anu ngahiliwir mageran rasa kapeurih kuring. Teu lila basa nyawang keneh, ujug-ujung hape kuring disada. Tina nadana eta pasti telepon video call, tapi telepon ti siha? Kuring panasaran. Basa ngareret hape  aya nomor ngarana A Indra, teg hate bangun nu ngaumuruh minuhan rohangan hate, teu buru-buru diangkat kalahka kuring cicing ngajanteng bari ningali layar hape. Aduh gusti gening ieu nu keur dilamun teh gening jadi nyata, buru-buru kuring gupas gipus ngabenerkeun tiung nu geus teu mernah dipakena. Basa disada kadua kalina, karek ku kuring diangkat. “Asalamulaikum neng kumaha damang?”  Ku angger eta sora halimpu bari neuteup kuring nu keur caludih tos lumpat. “ Waalikumsalam a alhmdulillah sae, aa nuju dimana kumaha damang?, naha tiasa video caallan?, aa nuju dimana?” kuring nanya teu make koma. “ Aa nuju uih kakota, ayeuna tugasna dialihkeun deui ka kota neng alhamdulilah”

Basa harita, kuring asa keur ngimpi  bisa pahareup-hareup deui jeung manehna, bari jeung  oge pahareup-hareupna dina telepon. Ah,,, keun bae geus kacida bagjana kitu oge. Kuring ngimpleng deui mangsa katukang taun kamari manehna ninggalkeun kuring demi tugas nagara anu teu weleh bisa ditolak, maklum dirina geus dikontrak kunagara sangkan ngamankeun jeung, ngajagga NKRI ieu. Sok bari jeung kitu, kuring ngarasa bangga oge  boga junjunan nu ngilu andil jeung naruhkeun ragana demi  nentremkeun ieu nagara nu kacida keur gilinggisik ku paham-paham bangsa sejen. Tapi nu teu pohona mah mangsa 3 bulan katukang, basa kuring jeung manehna pasea dina telepon kusabab manehna ingkar janji ka kuring. Janjina manehna ngan 8 bulan  diluar pulau, eh gening malah nambahan sababaraha bulan didituna bari jeung dipindahkeun dinesna diperbatasan Indonesia jeung papua nugini. Kuring kungsi ambek ka manaehna bari mutuskeun tali asih urang cekap didieu, kulantaran geus teu sabar nungguan manehna salila ieu. Diperbatasan mah hese sinyal, bororaah sinyal internet 4G jang video call, sinyal jang ngasms ge hese. Tidinya kuring kungsi nyimpulkeun yen carita urang duaan pegaat harita keneh. Ari basa 8 Bulan mimiti mah kuring masih bisa teteleponan, videocallan, malahanmah kuring kungsi ngirim surat jeung paket, majarkeun mah beda cenah sensasina maca surat, jeung chatingan dina sosmed mah. Tapi harita basa tos papaseaan, kuring leungiteun hubungan jeung manehna, sosmed teu hirup, telepon teu aktif nganter kana hate nyangka rupa-rupa  kamanehna.

“Kunaon neng bet ngahuleng wae?, hapunten aa nembe ngabaran deui, sanes teu sono ka eneng mung aa salami ieu ditugaskeun di daerah anu kacida jolokna, bororah sinyal, listrik ge teu aya dugi ka perbatasan mah.  Aa mung tiasa ngaggunaeun HT handy talk kangge komunikasi oge. Kuring teu nembal ngan imut saeutik. Manehna nyarita pangalaman salami diperbatasan, timimiti ngajaga wilayah, nepi ka ngajarkeun budak leutik disakola. “ Neng nuju dimana?” gening siga diluar bumi”? manehna nanya. “Muhun a, apal teu ieu dimana?” kuring nembal bari ngagilirkeun hape ka wangunana nu gigireun. “Eh gening nuju dikawadanaan neng? Sareng saha enjing-enjing tos dididinya?” . Muhun a, nembe teh tos lumpat, mingkanamah nuju reureuh heula, bari nyawang lamunan nu tos karandapan kapungkur sareng salira, masih emut henteu?” . “Eh, kantena neng geulis, aa masih emut basa amengan ka situ, numpak paparahuan, bari ngobrolkeun harepan kapayun sareng bebende, saurna bebende aa teh hoyong ngayakeun reseprsi nikah dipendopo kawadaaan luhureun situ wanayasa nya?” manehna ngingetkeun deui, ngaguar sagala nu tos karandapan. Kuring imut kamanehna “ Saurna nu hoyong upacara pedang pora teh saha nya”? kuring nanya bari semu era. Manehna seuri, bangun nu kacida bungahna di heureuyan kitu. Memang baheula urang duaan kungsi boga jangji pasini mun nepi ka jodo rek ngayakeun resepsina dipendopo kawadanaan, bari nanggap rampak gendang jeung make upacara pedang pora khas militer.

Tapi janji ukur jangji, ayeuna geus lain-laina deui, anjeun ukur layung anu kur sariak, anjeun ninggalkeun kuring tanpa kabar berita, anjeun teu ngomong sakemek-kemek acan basa kuring ngomong sagala rupa dina telepon, les weh anjeun ngaleungit eta numatak ngaraheutan mah. Cisoca ujug-ujug cirambay, tuluy kuring maehan video telepona. Kuring era katingali ceurik kumanehna, nyegrukna meni lila lamun diimah mah geus ceurik balirihan mereunanan. Sora telopon video call teu lila kadenge deui, atuh asa beuki nemen ratug ieu jajantung teh, buru-buru kuring ngarijek video telpon manehna, sakalian teu diaktifkeun data internetna maksudnamah supaya manehna teu bisa nelepon deui.

Tidinya kuring ngajentul ciga patung, hudang tina pangdiukan handapeun tangkal kiara. Jung nangtung bari muntang kana kiara, kuring neuteup ka beh wetan katenjo sawah nu ngemploh hejo. Dimandoran ku bebegig nu aya dina tiap kotak sawah, enya hirup teh teu weleh aya dina kabagjaan jeung kasedih siga roda nu terus muter, siga cai laut nu ngalaman pasang jeung surut. Kirining Sora hape disada deui, pas direret ngaran jeung foto anjeun nu ngajedig minuhan layar hape, “Assalamualakum aya naon deui aa”? kuring nanya. “Waalaikumslam neng, kunaon telpon aa bet dirijek?, manehna nanya. Kuring cicing teu ngawalon. “ Pendakan aa enjing tabuh 5 di Pool travel cipaganti, aa kintena enjing dugi kabandung tabuh  sakituan, Eneng angkat kuliah kabandung senen subuh pan ?” manehna ngomong. Geus kitu mah karek kuring ngarasa bagja tur kesel keneh bari ngomong “ naha aa bade uih?, tabuh sabaraha ti Jayapura ? kuring nanya. Aa angkat tibandara Jayapura sekitar tos subuh , kintena dugi ka Jakata tabuh 2 an, teras naek travel kabandung kintena  2-3 jam manawi tabuh sakitu neng tiasa nepangan aa di pool travel, aa hoyong nepangan wanoja nu tos lami dianti-anti, ngaguar deui paninengan salami sataun katukang, nepatan jangji nu teu lila deui bakal pasini,tos heula nya neng aa bade neraskeun packing kangge uih keur enjing, manga tepangan aa enjing sonten Wasalamualaikum” Can ge kuring rek nembal kaburu telpon ditutup. Bersambung . . .

RikaIchaChikok (Edisi 1)